Nikola Yurçeviç: "Uelsin futbolçuları çox güclüdü"

Sportarena.az      27 Avqust 2018, 12:15

"Maraqlı oyun alındı. Görüşün ilk dəqiqələrində "Neftçi"nin qol şansları var idi. "Zirə" də yaxşı kollektivdir və kompakt oyun sərgilədi. "Neftçi" qol şanslarından da yararlana bilmədi".

 

Sportarena.az xəbər verir ki, bu sözləri Azərbaycan millisinin baş məşqçisi Nikola Yurçeviç Azərbaycan Premyer Liqasının 2-ci turunda "Zirə"nin "Neftçi"ni məğlub etdiyi (1;0) matçdan sonra jurnalistlərə açıqlamasında deyib.

 

53 yaşlı mütəxəssis Xorvatiya və Uels milliləri ilə oyun üçün yığmaya cəlb edə biləcəyi futbolçular barədə də danışıb: "Hər şey ola bilər. Millidə "Neftçi"nin üzvləri var. Belə oyunçuların yenə dəvət almaq şansları var".

 

Xorvatiyalı məşqçi millinin siyahısını tərtib etmək üçün köməkçisi ilə müzakirə aparacağını söyləyib: "Bəzi futboluçular zədəlidi. Bədavi Hüseynov uzun müddət yaşıl meydanlardan kənar qalıb".

 

Yurçeviç Renat Dadaşovun İngiltərənin "Vulverhempton" klubu ilə müqavilə imzalamasına da münasibət bildirib: "Buna sevindim. Onun millidə necə çalışdığını görürəm. Dadaşovun Premyer Liqa klubuna keçməsi möhtəşəmdi. Yaxşı hücumçudu. İnanıram ki, icarəyə verildiyi Portuqaliya klubunda da yaxşı çıxış edəcək".

 

Baş məşqçi hazırda Uels ilə matçı düşündüklərini vurğulayıb: "Rəqibin futbolçuları çox güclüdü".

 

Qeyd edək ki, Azərbaycan millisi Avro-2020-nin seçmə mərhələsində sentyabrın 6-da səfərdə Uelslə, 10-da isə evdə Xorvatiya ilə üz-üzə gələcək (Report).

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin