Azərbaycan Premyer Liqasının II turunun "Zirə” ilə oyunu "Neftçi”nin dörd futbolçusu üçün yubileylə əlamətdar olub.
Sportarena.az xəbər verir ki, Zirə İdman Kompleksinin stadionundakı görüşdə 4 oyunçu 6 yubiley qeyd edib.Rəhman Hacıyev "Neftçi”də ümumilikdə 150-ci matçını keçirib. O, Premyer Liqada 117, kubokda 21, avrokuboklarda 12 dəfə "ağ-qaralar”ın formasını geyinib. Namiq Ələsgərov isə paytaxt təmsilçisində 75-ci oyununa çıxıb. Yarımmüdafiəçi çempionatda 63, kubokda 7, avrokuboklarda 5 dəfə şans qazanıb.
Emin Mahmudovla Anton Krivotsyuk Azərbaycan Premyer Liqasında 50-ci oyunlarını keçiriblər. Hər iki futbolçu çempionatda yalnız bir komandada çıxış edib.Beləliklə, onlar həm də "Neftçi”də 50-ci çempionat matçında iştirak ediblər.
Qeyd edək ki, yubileylərlə zəngin olan matçda "Neftçi” 0:1 hesabı ilə uduzub.