AFFA İntizam Komitəsinin iclası keçirilib.
Sportarena.az xəbər verir ki, Gənclər Liqasının “Qarabağ” – “Zirə” qarşılaşmasında tribunadan hakimlər briqadasını təhqir edən ağdamlıların baş məşqçisi Samir Musayev 5 oyunluq cəzaya məruz qalıb.
Gənclər Liqasının “Sumqayıt” – “Səbail” matçının 85-ci dəqiqəsində birincilərin futbolçusu Murad Rəhimli aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 4 oyun cəzalanıb.
Oyunun 90-cı dəqiqəsində “Sumqayıt”ın futbolçusu Elçin Abbasovun hakimə qarşı təhqiredici ifadələr işlətdiyinə görə 4 oyun cəzalanıb.
Oyunun 90+1-ci dəqiqəsində “Sumqayıt”ın futbolçusu Cəlal Cəbrayılov rəqibə qarşı təhqiredici ifadələr işlətdiyinə görə 3 oyun cəzalanıb.