“Qarabağ” “Viktoriya”dan daha yaxşı idi” - Stanislav Çerçesov

Sportarena.az      22 Sentyabr 2022 , 17:06
Macarıstanın “Ferentsvaroş” komandasının baş məşqçisi Stanislav Çerçesov Çempionlar Liqasının 3-cü təsnifat mərhələsində “Qarabağ”la oyunlarda uğursuz olmalarının (1:1, 1:3) səbəbini açıqlayıb. Rusiya mətbuatına danışan Çerçesov, ÇL-in pley-offunda “Qarabağ”ın “Viktoriya”dan (Plzen, Çexiya) da güclü olduğunu deyib:
 
“Bir büdrəmə, bir uğursuz gün, ötürmə, yanlış fitlə hər şey bitə bilər. “Qarabağ”la evdəki oyunda da belə alındı. Oyunun əvvəlində bizim qapıdan uzaqlaşmaqda olan rəqib hücumçuya ötürmə ilə demək olar ki, özümüzə qol vurduq. Təkbətək və artıq 5-ci dəqiqədə hesab 0:1 oldu. Azərbaycan komandası ilə səfərdə keyfiyyətli futbol oynayıb, 1:1 hesablı heç-heçəyə nail olmuşduq. Evdə isə belə başladıq və vəziyyəti dəyişməyi bacarmadıq.
 
Yeri gəlmişkən, “Qarabağ” Çempionlar Liqasının pley-offunda “Viktoriya”dan da yaxşı idi. “Qarabağ”ın qapıçısı bizimlə oyunda yüksəlişdə idi və hər topu tuturdusa, orada fərqli alındı. Azərbaycan çempionu rəqibdən güclü oynadı, amma Çempionlar Liqasının qrupuna düşə bilmədi. “Qarabağ” ənənələrə malik və səviyyəli komandadır”.
 
Çempionlar Liqası ilə vidalaşan “Ferentsvaroş” Avropa Liqasının qrup mərhələsində mübarizə aparır. 
DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin