“Mançester Yunayted”in və İngiltərə millisinin sabiq müdafiəçisi Fil Cons 32 yaşında karyerasını başa vurub.
Sportarena.az xəbər verir ki, Cons özü bu barədə məlumat verib. Fil Cons A lisenziyasnı aldığını və özünü məşqçi kimi sınamaq istədiyini bildirib.
“Karyeram istədiyimdən daha tez başa çatdı. Mən yarı dolmuş stəkanam. A lisenziyamı tamamladım və məşqçilikdə özümü sınamaq istəyirəm”.
Qeyd edək ki, Consun karyerasındakı son klubu 2011-2023-cü illərdə oynadığı və 5 kubok qazandığı “Mançester Yunayted” olub. O, İngiltərə millisində də 27 oyuna çıxıb.