FİDE reytinqi: Şəhriyar Məmmədyarov “10-luğ”u tərk etdi

Sportarena.az      1 Oktyabr 2022 , 14:38
Beynəlxalq Şahmat Federasiyası (FİDE) yeni reytinq siyahısını açıqlayıb. Sportarena.az xəbər verir ki, bu dəfə ilk “onluq”da Azərbaycanın heç bir təmsilçisi yer almayıb.
 
2747 xalı olan Şəhriyar Məmmədyarov onuncu sıradan 13-cü pilləyə düşüb. Teymur Rəcəbov isə eyni əmsalla 16-cı sıradadır.
 
Digər təmsilçilərimizdən Qədir Hüseynov (2661) 84-cü yerdə qərarlaşıb. Nicat Abasovla Rauf Məmmədov isə hərəyə 2646 xalla, müvafiq olaraq, 101 və 102-ci pillələləri bölüşürlər.
 
Sıralamaya əvvəlki kimi norveçli hazırkı dünya çempionu Maqnus Karlsen (2856) başçılıq edir. Çinli Dinq Liren (2811) 2-ci, rusiyalı Yan Nepomnyaşi (2793) 3-cüdür.
 
Qadın şahmatçıların reytinq cədvəlində Günay Məmmədzadə beş pilləlik irəliləyişlə ilk “iyirmiliy”ə daxil olub. 22 yaşlı iti zəka sahibi 2483 xalla 18-ci yerdə qərarlaşıb. Ülviyyə Fətəliyeva (2422) 39-cu, Gülnar Məmmədova (2389) 62-ci, Xanım Balacayeva (2379) 66-cı, Gövhər Beydullayeva isə (2356) 98-ci pillədədir.
 
Çinli Hou Yifan (2638) lider, rusiyalı Aleksandra Qoryaçkina (2584) ikinci, hindistanlı Hampi Koneru (2574) üçüncüdür.
DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin