Dünya çempionatı zamanı Almaniya millisinin düşərgəsində münaqişə yaşanıb

Sportarena.az      8 Dekabr 2022 , 11:00

Qətərdə keçirilən dünya çempionatı zamanı Almaniya millisində münaqişə yaşanıb.

 

Sportarena.az "Bild"ə istinadən xəbər verir ki, komanda düşərgədə iki hissəyə ("Bavariya"nın futbolçuları və digərləri) bölünüb.

 

Baş məşqçi Hans Diter-Flik Münhen təmsilçisinin oyunçularına qarşı xüsusi münasibət göstərməkdə ittiham edilir. Bu da yığma daxilində ixtilafa səbəb olub. 57 yaşlı mütəxəssisin bütün futbolçuların rəğbətini qazana bilmədiyi vurğulanıb.

 

Problemlər qrup mərhələsinin I turunda Yaponiya seçməsinə 1:2 hesabı ilə uduzduqları matçdan əvvəl başlayıb. Qapıçı Manuel Noyer və yarımmüdafiəçi Leon Qoretska oyunöncəsi çəkilən fotoda kapitanlıq sarğısı ilə bağlı qərara etiraz olaraq ağızlarını örtməyin zəruri olduğunu söyləyiblər. Digər oyunçular heç bir siyasi aksiyaya qatılmaq niyyətində olmadıqlarını bildiriblər.

 

Millinin türkəsilli futbolçusu İlkay Gündoğan ilk qarşılaşmada əvəzləndiyi üçün qəzəblənib.

 

Bundan əlavə, İspaniya "Barselona"sından millinin heyətinə cəlb olunan qapıçı Mark-Andre ter Ştegen mundialda şans qazanmadığı üçün məyus olduğunu diqqətə çatdırıb.

 

Qeyd edək ki, Almaniya yığması DÇ-2022-də E qrupunu 4 xalla üçüncü sırada başa vuraraq turnirlə erkən vidalaşıb. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin