“Bəlkə sönük oyun kimi görmək olardı. Amma əsl kubok matçı idi. Hər iki komanda qalib gəlmək istəyirdi”.
Sportarena.az xəbər verir ki, bunu “Qarabağ”ın baş məşqçi Qurban Qurbanov “Qəbələ” ilə 2:2 hesablı heç-heçə etdikləri Azərbaycan Kubokunun 1/4 final oyunundan sonra mətbuat konfransında deyib.
50 yaşlı mütəxəssis rəqibin yaxşı çıxış etdiyini bildirib: “Qəbələ” qələbəyə layiq oynadı. Maraqlı oyun alındı. Qalib gələ bilərdik. Amma son dəqiqələrdə ehtiyatsızlıqdan qol buraxdıq. Qəbələdəki oyun buradakından da baxımlı alına bilər”.
Qeyd edək ki, cavab görüşü dekabrın 19-da keçiriləcək.