“Qarabağ”ın qapıçısı Şahruddin Məhəmmədəliyevin qolu sınıb.
Sportarena.az xəbər verir ki, qapıçı Antalyadakı təlim-məşq prosesi zamanı zədələnib. 28 yaşlı qolkiper 2 ay yaşıl meydanlardan kənarda qalacaq.
Şahruddin Konfrans Liqasının pley-off mərhələsində “Gent”lə oyunları buraxacaq.
Xatırladaq ki, daha əvvəl “Qarabağ”ın futbolçularından Abbas Hüseynov Antalyadakı təlim-məşq toplanışı zamanı zədələnib.
Qeyd edək ki, “Qarabağ” Belçika təmsilçisinə qarşı ilk matçını fevralın 16-da evdə, cavab qarşılaşmasını isə fevralın 23-də səfərdə keçirəcək.