"Futbolçularım istədiyim kimi çıxış etdilər" - Ten Haq

12:41 - 29 Yanvar 2023 - İngiltərə

“Mançester Yunayted”in baş məşqçisi Erik ten Haq İngiltərə Federasiya kubokunun 1/16 finalının “Ridinq”lə matçından sonra (3:1) açıqlama verib.

 

Sportarena.az “BBC Sport”-a istinadən xəbər verir ki, o, futbolçuları barədə fikir bildirib:

“Düşünürəm ki, bir saat ərzində çox yaxşı oynadıq. Bu, həqiqətən də, çox yaxşı matç oldu. Futbolçularım istədiyim kimi çıxış etdilər: rəqibdən üstün olduq, çox hərəkət etdik. Çoxlu qol imkanlarımız oldu, amma hamısından yararlana bilmədik. Fasiləyə qədər çatışmayan yeganə şey məhz bu idi”.

 

Niderlandlı mütəxəssis dubla imza atan Kazemironu ağıllı və yaradıcı oyunçu adlandırıb:

“Kazemiro bizim üçün çox vacib oyunçudur. O, çox ağıllıdır, topla necə davranmaq lazım olduğunu bilir. Yaradıcı futbolçudur. Biz ondan çox razıyıq”.

 

Qeyd edək ki, “Qırmızı şeytanlar”ın 1/8 final mərhələsindəki rəqibi püşkatmadan sonra məlum olacaq.

XƏBƏR LENTİ
ÇOX OXUNANLAR
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin