“Roma”nın sabiq üzvü Françesko Totti “Milan”ın hücumçusu Rafael Leau ilə “Napoli”nin hücumameyilli yarımmüdafiəçisi Xviçi Kvaratsxeliyanı müqayisə edib.
Sportarena.az İtaliya mətbuatına istinadən xəbər verir ki, o deyib:
“Leau fiziki cəhətdən daha inkişaf edib. O, çox sürətli oyunçudur. Xviça təkbətək vəziyyətlərdə daha texnikalıdır, bu unikal keyfiyyəti indi çempionatda tapmaq o qədər də asan deyil”.
Bu mövsüm Kvaratsxeliya bütün turnirlərdə 36 oyuna çıxıb 14 qol vurub və 16 qolun ötürməsini verib. Leau 41 matçda 13 qolun, 12 qol ötürməsinin müəllifi olub.