“Mursiya”nın icarə əsasında “Qranada”da çıxış edən futbolçusu Eddi İsrafilov millimizdə oynaya bilər.
Sportarena.az xəbər verir ki, millimizin yeni baş məşqçisi Robert Prosineçki oyunçunu komandasında görmək itəyir. Bu məqsədlə o, artıq E.İsrafilovun azərbaycanlı anası ilə əlaqə saxlayıb.
İspaniya KİV-ləri yazıb ki, xorvatiyalı mütəxəssis İsrafilovu razı salmaq üçün Qranadaya getməyə də hazırdır. Prosineçkinin Maltaya qarşı "Avro-2016"nın seçmə mərhələsində keçiriləcək matça kimi E.İsrafilovu razı salmağa çalışacağı qeyd olunub.
Bununla bağlı xəbərləri Prosineçkinin köməkçisi Yanko Yankoviç İspaniya mətbuatına açıqlanasında təsdiqləyib:
"Marta kimi Eddini heyətimizə cəlb etmək üçün bütün imkanlarımızdan istifadə edirik. Onun oyunlarını izləmişik. Eddi çox yaxşı futbolçudur, böyük potensialı var. Eddinin Azərbaycan millisinə kömək olacağına inanıram".
Qeyd edək ki, E.İsrafilov Azərbaycan millisində oynamaq üçün ötən il AFFA-dan 1 milyon avro istəyib.