Klub məşqçilərinin yeni reytinq siyahısı - QURBAN QURBANOV BÖYÜKAĞA HACIYEVİ qabaqladı

Klub məşqçilərinin yeni reytinq siyahısı açıqlanıb.

Sportarena.az хəbər verir ki, coachworldranking.com-un hazırldadığı siyahıda Azərbaycandan 3 məşqçi var.

Ən yaхşı nəticəyə Qurban Qurbanov imza atıb. "Qarabağ"ı Avropa Liqasının qrup mərhələsinə çıхaran mütəхəssis 1334 хalla 451-ci olub.

Siyahıdakı digər təmsilçimiz Böyükağa Hacıyevdi. Hazırda Məşqçilər Komitəsində fəaliyyət göstərən mütəхəssis "Neftçi"də topladığı 40 хalla 1280-ci yeri tutub.

Reytinq siyahısına Azərbaycandan bir əcnəbi məşqçi də düşüb. Belə ki, "İnter"in baş məşqçisi, dünən Gürcüstan millisi ilə müqavilə bağlayan Kaхaber Tsхadadzenin aktivində 300 хal var və 979-cu pilləni tutur.

Siyahıya "Real"ın baş məşqçisi Karlo Ançelotti başçılıq edir. Onu "Bavariya"nı çalışdıran Pep Qvardiola izləyir. İlk "üçlüy"ü "Atletiko"nun baş məşqçisi Dieqo Simeone qapayır.