Paytaxtın "İnter" komandası Türkiyədəki təlim-məşq toplanışı çərçivəsində bu gün ilk yoxlama görüşünü keçirib.
Sportarena.az xəbər verir ki, "İnter" Türkiyənin "İnegölspor" komandası ilə qarşılaşıb. Bu oyun "Kaya Palazzo Golf Resort" otelinin meydançalarının birində baş tutub.
Görüş komandamızın 4:1 hesablı qələbəsi ilə başa çatıb. Bakı klubunun qollarını Nizami Hacıyev, Əfran İsmayılov, Yohan Bokonyano, Asif Məmmədov vurub.