Türkiyənin “Karşıyaka” klubu millimizin üzvü Mahir Şükürovun borcunu ödəyib.
Bu barədə klub prezidenti Fatih Deniz məlumat verib.
5 ayın maaşını ala bilməyən Şükürov FİFA-ya şikayət etmişdi. Yanvarın 19-dək 55 min dollar ödənilməsəydi, 33 yaşlı futbolçu azad agent statusu alacaqdı. Lakin Mahiri əldən buraxmaq istəməyən "Karşıyaka" rəhbərliyi dərhal əl-ayağa düşüb və təyin olunan vaxta kimi onun borcunu ödəyə bilib. Şükürovla yanaşı, FİFA-ya şikayət edən digər oyunçu Juninyonun da maaşları verilib.
Qeyd edək ki, PTT I Liqa təmsilçisi analoji problem üzündən Berkan Emir və Çikeluba Ofoedunun gedişinə əngəl ola bilməmişdi.