"Simurq" Antalyada son məşqinə çıxdı

Sportarena.az      24 Yanvar 2015 , 11:52

Yanvarın 6-dan Antalyada qış təlim-məşq toplanışında olan "Simurq" ötən gün məskunlaşıdığı "Sirena Bələk" otelinin meydançasında son məşqinə çıxıb.

 

Sportarena.az xəbər verir ki, iki saata yaxın davam edən hazırlığa əvvəlcə qısa məsafəli qaçışla başlanılıb.

 

İsinmə hərəkətlərindən sonra futbolçular iki qrupa bölünüb. Qısa ötürmələrdən ibarət tapşırıqlar yerinə yetirildikdən sonra taktiki və texniki təmrinlərə keçilib. Sonda qapıya zərbələrlə məşq tamamlanıb.

 

Zaqatala klubu bu gün Antalya hazırlığı çərçivəsində son yoxlama görüşünə çıxacaq. Rəqib Ukraynanın "Volın" klubu olacaq. Qarşılaşma Bakı vaxtı ilə saat 17:30-da start götürəcək.

 

Bundan sonra Zaqatala təmsilçisi təlim-məşq toplanışını başa vuraraq, gecə saatlarında yola çıxacaq. Vətəndəki iki günlük istirahətdən sonra komanda doğma arenada Topaz Premyer Liqasının 19-cu turunun hazırlığına başlayacaq.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin