Vaqif oynadı, komandası qələbə qazanadı

21:40 8 Fevral 2015

Yığmamızın futbolçusu Vaqif Cavadovun formasını geyindiyi “Boluspor” Türkiyə PTT I Liqasının 19-cu turunda növbəti oyununu keçirib.

Sportarena.az xəbər verir ki, təmsilçimizin komandası millimizin digər hücumçusu Branimir Subaşiçin heyətində çıxış etdiyi “Manisaspor”la üz-üzə gəlib.

Qarşılaşma “Boluspor”un qələbəsi ilə yekunlaşıb – 1:2.

Vaqif Cavadov oyunun son dəqiqəsində meydana çıxıb. Vaqifdən fərqli olaraq, serb əsilli azərbaycanlı forvardın adı heç “18-liy”ə də salınmayıb.

Qeyd edək ki, hazırda aktivində 26 xal olan “Boluspor” turnir cədvəlinin 8-ci pilləsində qərarlaşır. “Manisaspor” isə 17 xalla 17-ci yerdədi.

 


Xəbər xətti