“İnter” milli üzvünü əvəzedici heyətə göndərdi

Sportarena.az      18 Fevral 2018, 15:50

“İnter”in aparıcı futbolçularından olan Nizami Hacıyev əsas komandadan ayrı qalıb.

 

Sportarena.az xəbər verir ki, təcrübəli futbolçu əvəzedici heyətlə birgə məşq edir.

 

Zədədən yeni qayıdan milli komandamızın üzvü bu gün “İnter”in əvəzedicilərinin heyətində AZAL-la səfər matçında meydançaya da çıxıb. 27 yaşlı yarımmüdafiəçi hətta 2:2 hesabı ilə nəticələnən qarşılaşmada fərqlənib. AZAL-ın 2:0 hesabı ilə öndə olduğu bir vaxt səhnəyə çıxan Hacıyev 84-cü dəqiqədə fərqi minimuma endirib. Mirsahib Abbasovun son dəqiqədə penaltidən vurduğu qol “İnter”ə 1 xal qazandırıb.

 

AZAL-ın qollarına isə Fərid Hacıyev (35-ci dəqiqə) və qış fasiləsi ərəfəsində “Araz Naxçıvan”dan alınan Azər Məmmədov (72) imza atıblar.

 

Qeyd edək ki, Nizami Hacıyev sonuncu dəfə XX turda “Xəzər Lənkəran”la səfər matçının son 15 dəqiqəsində “İnter”in əsas komandasında çıxış edib.

 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin