Azərbaycan yığması Dünya liqasında 3-cü yeri tutdu

Sportarena.az      23 Fevral 2018, 23:55

Həlledici matçda yığmamız Meksikaya qalib gəlib.

 

Otüstü xokkey üzrə Azərbaycan yığması Uruqvayın Montevideosunda həlledici matçda Meksikaya 5:2 hesabı ilə qalib gələrək Dünya liqasının 2-ci raundunda 3-cü yeri tutub.

Sportarena.az xəbər verir ki, Azərbaycan yığmasının tərkibində het-trik Anastasiya Siqanskayanın  hesabındadır. Lyubov Drujinina və Xatirə Əliyeva hər biri bir qol vurub.

Xatırladaq ki, buna qədər komandamız Trinidad və Tobaqonu (5:10, Fransanı (3:2), Keniyanı (5:0) və Dominikan respublikasını (5:0) məğlub edərək qrup mərhələsini və dörddəbir final mərhələsini uğurla keçib.

Təəssüflər ki, yarımfinalda Azərbaycan İtaliyaya 0:4 hesabı ilə məğlub olaraq yalnız 3-cü yer uğrunda mübarizə aparmaqla kifayətlənməli olub.

Reqlamentə uyğun olaraq Dünya Liqasının növbəti mərhələsinə turnirin finalçıları çıxmalı idilər. Bu, Uruqvay və İtaliya olub. 3-cü yer Azərbaycanı növbəti mərhələyə çıxara bilər. Bunun üçün komandamız İrlandiya və Hindistanda keçiriləcək digər analoji turnirlərdə 3-cü yeri tutacaq yığmalar arasında ən yüksək reytinqə sahib olmalıdır.

 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin