Dünən U-19 komandaları arasında Avropa çempionatının final mərhələsində "B" qrupunda İspaniya - Rusiya matçı baş tutub.
Sportarena.az xəbər verir ki, Rusiya 19 yaşlılardan ibarət milli komandasında meydana çıxan azərbaycanlı futbolçusu, AFFA-nın da maraq daiəsində olan “Zenit” klubunun hücumçusu Ramil Şeydayev bu matçda start heyətində meydana çıxaraq 90 dəqiqə forma geyib.
Rusiyanın 3:1 hesablı qələbəsi ilə yekunlaşan oyunda həmyerlimiz də fərqlənib. O, görüşün 54-cü dəqiqəsində komandasının üçüncü qolunu vurub.
Nəzərinizə çatdıraq ki, Rusiya millisinində digər azərbaycanlı futbolçusu Moskva “Spartak”ında forma geyən Ayaz Quliyev də meydanda olub. Həmyerlimiz oyunun əsas heyətində meydana çıxaraq 90+1-ci dəqiqəsində əvəzlənib.