Rahid Əmirquliyev: "Xəzər Lənkəran"ın bu vəziyyətə düşəcəyinə inanmazdım"

Sportarena.az      23 Yanvar 2018, 01:12

"Qarabağ"ın yarımmüdafiəçisi Rahid Əmirquliyev apasport.az saytına müsahibə verib.

Sportarena.az həmin müsahibəni təqdim edir:

- Təlim-məşq toplanışı necə keçir?
- Hazırlıq normal davam edir. İki yoxlama oyunu keçirdik və hər ikisində qələbə qazandıq. Düzdü, bu yoxlama oyunlarıdı, amma nəticə də vacibdi.
 
- Yeni komandanıza adaptasiya ola bilmisinizmi?
- Demək olar, yad komanda deyil. Əksər futbolçularla millidə bir yerdə oynamışıq. Bu da uyğunlaşmağıma kömək etdi.
 
- “Qarabağ”da ənənəvi mövqeyinizdəmi çıxış edirsiniz?
- Mövqeyimdə dəyişiklik yoxdu. “Xəzər Lənkəran”da hansı mövqedə çıxış edirdimsə, burda da həmin mövqedə oynayıram.
 
- “Qarabağ” komplektləşmiş komandadı və xüsusilə də sizin mövqeyinizdə rəqabət güclüdü. Özünüzə əsas heyətdə yer tapa biləcəksinizmi?
- Düzdü, “Qarabağ” yaxşı oyun nümayiş etdirir. İndi işim baş məşqçinin verdyi tapşırıqları yerinə yetirməkdi. Əsas heyətdə kimin oynayacağına Qurban müəllim qərar verəcək.
 
- Müxtəlif mütəxəssislərin rəhbərliyi altında oynamısınız. Qurban Qurbanovun iş sistemi fərqlidirmi?
- Hər məşqçinin öz taktikası, məşq prosesi var. Müqayisə aparmaq istəməzdim. “Qarabağ”da yaxşı məşqçilər yer alıb. Komanda topla daha çox məşq edir. Bu da ürəyimcədi.
 
- Məşq prosesləri ağır keçir? Yükləmələr çoxdu?
- İndi toplanışdı, yükləmələr olmalıdı. Məşqçilər hər şeyin qədərini bilir. Həddindən artıq yükləmələrə yol vermir. Ağır keçir deməyim düzgün deyil.
 
- Sabiq komandanda baş verən prosesləri necə, izləyirsinizmi?
- İzləyirəm. “Xəzər Lənkəran”ın bu vəziyyətə düşəcəyinə inanmazdım. Tək mən yox, heç kim inanmırdı. Maliyyə ilə bağlı problemlər yaranıb. Uğurlar arzulayıram. Gələcəkdə çempionluq uğrunda yarışmağı arzulayıram.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin