"Qarabağ" daha bir rekordunu təkrarladı

Sportarena.az      5 May 2018, 16:10

Azərbaycan Premyer Liqasında ardıcıl 9 qələbə ilə tarixinin rekordunu təkrarlayan Ağdamın “Qarabağ” klubu kubokda da eyni nailiyyətə imza atıb. 


Sportarena.az PFL-in rəsmi saytına istinadən xəbər verir ki, Qurban Qurbanovun yetirmələri özünün Azərbaycan kuboku tarixindəki ən uzun qələbə seriyasını təkrarlamağa nail olub. İlk kubok yarışını buraxıb, 1993-cü ildə turnirdə debüt edən “ağ-göylər” 23 illik tarixdə ən yaxşı halda 6 qələbəlik seriyaya imza atmışdı. Bu seriya 1995-ci ilə təsadüf etmişdi. 1994/95 mövsümünü qələbə ilə başa vuran ağdamlılar 1995/96 mövsümünə 5 qələbə ilə başlamışdı. 21 ildən sonra həmin rekordu təkrarlayan “Qarabağ” cari mövsüm kubokda keçirdiyi 5 oyunun hamısında qələbə qazanıb. Əyalət klubu seriyasına 2014/15 mövsümünün final matçından start verib. Həmin qarşılaşmada “Neftçi”ni 3:1 hesabı ilə məğlub edən “Qarabağ” cari kubok turnirinə “Şəmkir”lə 1/8 final oyunu ilə başlayıb – 2:0. 1/4 finalda “Sumqayıt”ı əvvəl 2:0, ardınca 4:1 yenən ağdamlılar  yarımfinalda “İnter”i 2 dəfə məğlub edib – 4:0, 1:0. “Ağ-göylər”in qalib gəlmədiyi son kubok oyunu ötən mövsümün yarımfinal mərhələsinə təsadüf edib. “Simurq”la cavab oyununda qapılara qol vurulmayıb.


Qeyd edək ki, ölkə kubokunda ən uzun qələbə seriyası “Kəpəz”ə məxsusdur. Gəncəlilər 1993-95-ci illərdə ardıcıl 13 kubok qarşılaşmasında qalib gəlib.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin