Azərbaycanlı idmançılara ağır cəzalar

Sportarena.az      12 İyun 2018, 12:43

Ağırlıqqaldırma üzrə Azərbaycan milli komandasının 6 üzvü 2015-ci ilin noyabrında ABŞ-ın Hyuston şəhərində keçirilmiş dünya çempionatında dopinq-testdən keçə bilmədiyi üçün cəzalandırılıb. Bu barədə qərarı Beynəlxalq Ağırlıqqaldırma Federasiyası qəbul edib.

Qurumun saytında açıqlanan cəzalara əsasən, Elxan Əliquluzadə, Silviya Angelova, Firudin Quliyev, Valentin Xristov və İntiqam Zairov 8 il müddətinə diskvalifikasiya olunub. Onların cəzaları 2023-cü ilin dekabrında yekunlaşacaq. Dadaş Dadaşbəyli isə 4 illik cəzaya məruz qalıb. O, 2019-cu ilin dekabrınadək bütün yarışlardan kənarlaşdırılıb. İlk "5-liy"in uzunmüddətli cəzası onların 2013-cü il Avropa çempionatında da, yəni artıq ikinci dəfə dopinqli çıxmaları səbəbindən verilib. Dadaşbəyli isə ilk dəfə "ilişdiyi" üçün daha az müddətə cəza alıb.

Əliquluzadə, Quliyev və Xristovdan yalnız istifadəsi qadağan olunmuş nandrolon aşkarlanıb. Angelova və Zairovdan nandrolondan əlavə, dehidroxlorometiltestosteron, Dadaşbəylidən isə nandrolonla yanaşı, boldenon aşkarlanıb.

Qeyd edək ki, 2015-ci il dünya çempionatında Valentin Xristov 62 kq çəki dərəcəsində bürünc medal qazanmışdı. IWF-nin bu qərarından sonra Xristovun bürünc medalı əlindən alınıb. Silviya Angelova 48 kq, Firudin Quliyev 69 kq, Elxan Əliquluzadə 77 kq, İntiqam Zairov 94 kq, Dadaş Dadaşbəyli 105 kq çəki dərəcəsində mübarizə aparıb. Ötənilki mundialın nəticələrinə əsasən, Azərbaycana ağırlıqqaldırma növündə 4 lisenziya verilib. Hələlik həmin lisenziyaların ölkəmizdən alınıb-alınmayacağı barədə məlumat verilmir.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin