"Samtredia" "Qəbələ” üçün rahat rəqib idi" - Fariz Nəcəfov

Sportarena.az      1 İyul 2016 , 10:35

"Qəbələ" klubunun vitse-prezidenti Fariz Nəcəfov Avropa Liqasının I təsnifat mərhələsi çərçivəsində "Samtredia" (Gürcüstan) ilə oyundan (5:1) sonra jurnalistlərin suallarını cavablandırıb.
 

- Oyunla bağlı fikirlərinizi bilmək istərdik...
- Komandanı qələbə münasibəti ilə təbrik edirəm. Ancaq arxayınlaşmaq olmaz. Futbolda hər şey ola bilər. Növbəti oyuna hazırlaşmaq lazımdı və qalib gəlib tam əmin olmalıyıq ki, mərhələ keçdik.
 

- Sizcə rəqib zəif idi, yoxsa “Qəbələ” çox güclü idi?
- Belə deyək, bu görüşdə gürcülər “Qəbələ” üçün rahat rəqib idi. Növbəti oyunda necə olacaq görəcəyik. Bu matçda məşqçinin bütün tapşırıqlarını yerinə yetirə bildilər. Rəqib də oynamağa imkan verdi.
 

- Mendinin gedişindən sonra “Qəbələ” axtardığı hücumçunu tapa bilmirdi...
- Mendini tapmışıq elə. (gülür)
 

- Bir həftə sonra Gürcüstana gedirsiniz. Ötən il “Dinamo” ilə oyunda iğtişaşlar baş vermişdi. Bunun üçün hansısa xüsusi təhlükəsizlik tədbirləri görmüsünüz?
- Rəqib komandanın rəhbərliyi ilə bu barədə danışıqlarımız oldu. Özünüz də gördünüz ki, bizdə heç bir problem olmadı. Əla atmosfer var idi. Eyni şeyi də orda gözləyirik.
 

- Artıq ikinci mərhələ barəsində düşünmək olar. Kimi rəqib görmək istərdiniz? Xüsusi bir istəyiniz varmı?
- Hələ bu barədə danışmaq olmaz. Növbəti mərhələyə keçməyimiz bir həftə sonra dəqiqləşəcək. Onda da bilinəcək ki, rəqibimiz kimdi. Ona uyğun da hazırlaşacağıq.
 

- Komandada bir nominal hücumçu var. Növbəti transfer etməyi düşünürsünüzmü?
- Əvvəldən axtardığımız, maraqlandığımız bir neçə oyunçu var, ancaq dəqiq deyil. Avropalı və afrikalı oyunçulardı.
 

- Transfer ikinci mərhələyə qədər yekunlaşa bilərmi?
- Ola bilər, mümkündü.
 

- Klub prezidenti Tale Heydərov qeyd elədi ki, “Qəbələ” ötən mövsüm bəzi legionerlərin seçimində uğursuz olmuşdu. İndi demək olarmı ki, məhdud büdcə ilə ən yaxşılar seçilib?
- Belə deyək də, bu, birinci oyundu. İlk oyuna görə onlar haqqında müsbət fikir bildirmək olar. Ancaq gələcək oyunlar daha dəqiq göstərəcək. Görək yenilər əyalətə uyğunlaşa biləcəklərmi.(apasport.az)

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin