"Böyük Dəbilqə"nin ilk günündə 2 medal

Sportarena.az      16 İyul 2018, 21:03

Rusiyanın Tümen şəhərində cüdo üzrə “Böyük Dəbilqə” yarışına start verilib. 


Sportarena.az xəbər verir ki, yarışın ilk günündə Azərbaycan cüdoçuları iki medal qazanıblar.


60 kq çəki dərəcəsində çıxış edən İlqar Müşkiyev ilk qarşılaşmasında özbəkistanlı Doniyor Sultanbəyi məğlub edib. Lakin yarımfinalda meydan sahibi Albert Oğuzova uduzaraq bürünc medal uğrunda mübarizəyə qoşulub. Növbəti rəqibi də rusiyalı olan cüdoçumuz bu dəfə qarşılaşmadan qalib ayrılıb. Sayan Kertek üzərində qələbəyə sevinən Müşkiyev mötəbər turnirin bürünc medalını qazanıb.


60 kq çəki dərəcəsində ölkəmizi təmsil edən digər cüdoçumuz Davud Məmmədsoy ilk qarşılaşmasında Albert Oğuzova məğlub olub. Təsəlliverici görüşdə özbəkistanlı Doniyor Sultanbəyə qalib gələn Məmmədsoy bürünc medal uğrunda görüşdə meydan sahibi Dmitri Kulikovu da məğlub edərək millimizin aktivinə növbəti medalı yazdırıb.


Qeyd edək ki, 25 ölkədən 124 idmançının (73 kişi, 51 qadın) mübarizə apardığı “Böyük Dəbilqə” yarışında Azərbaycan millisi 10 cüdoçu ilə təmsil olunur.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin