Tale Heydərov: "Çox məyus oldum"

Sportarena.az      2 Oktyabr 2018, 22:28

"Bu bizim üçün çox mühüm oyun idi. Çempionla mübarizə aparırdıq və şahidi oldunuz ki, bu gün meydanda savaş idi. Bizim üçün vacib olan 3 xalı qazandıq."

Bu sözləri "Qarabağ"a 2:0 hesabı ilə qalib gələn "Qəbələ"nin prezidenti Tale Heydərov matçdan sonra jurnalistlərin suallarını cavablandırarkən deyib.

- Ən böyük rəqiblərinizdən birini məğlub etdiniz. Demək olarmı ki, çempion olacağız?
- Bizim ən böyük rəqibimiz "Qarabağ"dır və bu qələbə bizi məqsədimizə daha da yaxınlaşdırır. Amma indidən çempionluq barədə nəsə demək çox tezdi.
 

- Komandanın avroliqadakı "Maynts" məğlubiyyəti sizə necə təsir etdi?
 - Açığı desəm çox məyus oldum . Bilirdik ki, güclü komanda ilə mübarizə aparırıq. Bir növ qələbəni əldən vermiş kimi olduq, çünki oyunun gedişində 2:1 önə keçmişdik. Çalışacağıq ki, daha mübariz oyun göstərək.

 

 - Meydanda çox gözəl oyunun getməsi və komandalarının qalib gəlməsinə baxmayaraq, "Qəbələ" azarkeşləri matçın 80-ci dəqiqəsində artıq tribunaları tərk edirdi. "Qəbələ"nin azarkeş problemini həll etmək üçün hansı işləri görürsünüz?
- Məncə, bu təkcə "Qəbələ"nin problemi deyil. Ümumi Azərbaycan azarkeşlərinə xas olan bir xüsusiyyətdir. Bununla bağlı daha çox təbliğat aparılmalıdır. Oyunun sonuna kimi yox, paltardəyişmə otağına gedənə kimi azarkeşlər kluba dəstək olmalıdır.
 

 - "Qəbələ" artıq 2-ci ildir ki, standartlara tam cavab vermədəiyi üçün ev oyunlarını doğma Qəbələdə keçirə bilmir. Gələn mövsüm üçün stadionda yenilik gözlənilirmi?
 - Bəli, planımızda var. Biz istəyirik ki, həmin standartlara gətirək stadionu. Gələn ilə alınmağını planlaşdırırıq.

İlkin İSMAYILZADƏ, Qəbələ

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin