Tale Heydərov: "Büdcədə bəlkə də eniş oldu" - AÇIQLAMA

Sportarena.az      5 May 2018, 19:16

“Qəbələ”nin prezidenti Tale Heydərov Azərbaycan kubokunun finalında “Qarabağ”la keçirilən oyundan sonra jurnalistlərin suallarını cavablandırıb.

 

Sportarena.az xəbər verir ki, klub rəhbəri gələn mövsümlə bağlı planlardan da danışıb:


“Həm çempionatda, həm də ölkə kubokunda gözlədiyimizin minimumunu əldə etdik. Amma məncə, komandanın çıxışını ümumilikdə normal dəyərləndirmək olar. Əlbəttə, biz daha yaxşı nəticə istəyirdik. Məqsəd çempion olmaq, heç olmasa kuboku qazanmaq idi. Bu dəfə alınmadı. Çalışacağıq ki, gələn dəfə buna nail olaq”.

 

Heydərov baş məşqçi Roman Qriqorçukla yola davam edib-etməyəcəkləri məsələsinə də toxunub:

 

“Bununla bağlı danışmamışıq. Yaxınlarda danışacağıq. Ümid edirəm ki, baş məşqçimizlə yolumuza davam edəcəyik. Yeni transferlərlə bağlı son qərarı baş məşqçi verəcək. Rəhbərlik olaraq hər cür dəstəyi verəcəyik. Ancaq büdcəylə bağlı o mənada dəyişiklik ediləcək ki, artım olmayacaq. Bəlkə də, eniş oldu, amma az-çox eyni büdcəylə davam etmək fikrindəyik. Bir neçə futbolçu almağı da düşünürük”.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısızmı?
 Razıyam
 Normaldır
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin