Çeçenistan lideri Ramzan Kadırov məşhurları yenə də Qroznıya dəvət edib.
Sportarena.az xəbər verir ki, buna səbəb Rusiya Premyer Liqasında çıxış edən Çeçenistan təmsilçisin "Axmat" klubunun yeni adla debüt etməsi olub.
Qroznı təmsilçisinin "Amkar"la oyununa gələnlər arasında dünya futbolunun braziliyalı ulduzu Ronaldinyo da olub. O, "Axmat"ın 1:0 hesabı ilə qalib gəldiyi matçı stadiondan izləyib və matçdan sonra verilən ziyafətdə iştirak edib.
Qeyd edək ki, "Axmat" ötən mövsümədək "Terek" adı altında çıxış edirdi.