Sportarena.az
22 Avqust 2017

İlham Əliyev Ramil Quliyevi təbrik etdi

12 Punto 14 Punto 16 Punto 18 Punto

Azərbaycan prezidenti İlham Əliyev Ramil Quliyevi atletika üzrə dünya çempionu olması münasibəti ilə təbrik edib.

Sportarena.az xəbər verir ki, dövlət başçısının məktubunda deyilir: 
 

"Əziz Ramil. İlk növbədə səni yüngül atletika üzrə dünya çempionu adını qazanmağın münasibətilə səmimi qəlbdən təbrik edirəm.

 

Qeyd etmək istərdim ki, tarixdə ilk dəfə olaraq azərbaycanlı idmançı yüngül atletika üzrə dünya çempionu olub. Xüsusilə sevindirici haldır ki, sən qələbədən sonra Azərbaycan və Türkiyə bayraqlarını qaldırdın. Bu, onu göstərir ki, sən öz xalqına bağlı, vətənpərvər insansan.

 

Sən bu gün Türkiyəni təmsil edirsən. Ancaq idmanda ilk addımlarını Azərbaycanda atmısan.

 

Bu qələbə münasibətilə Türkiyəni də təbrik edirəm. Sənin qələbən, eyni zamanda, Azərbaycan-Türkiyə dostluğu və qardaşlığının növbəti təzahürüdür. Biz Azərbaycanda səninlə fəxr edirik. Sənə idmanda yeni qələbələr arzulayıram". 

 

Xatırladaq ki, Türkiyə millisinin şərəfini qoruyan Ramil Quliyev Londonda keçirilən yüngül atletika üzrə dünya çempionatında qızıl medal qazanıb. O, 200 metr məsafəyə yarışda 20.09 saniyə nəticə göstərərək, fəxri kürsünün birinci pilləsinə qalxıb. “Fənərbaxça” klubunun şərəfini qoruyan həmyerlimiz qardaş ölkəyə bu sahədə ilk dünya çempionluğunu qazandıraraq, tarix yazıb.

 

Yarışdan sonra Türkiyə prezidenti Rəcəb Tayyip Ərdoğan da həmyerlimizi rəsmi "tvitter" səhifəsində təbrik etmişdi.

Tarix
11.08.17 [16:17]
* Xəbərə şərh yoxdur. İlk şərhi sən yaz

Adınız
E-mail adresiniz
Şərhiniz

Xəbər xətti

22 Avqust
21 Avqust 

Facebook

Sorğu

Avrokuboklarda hansı klubumuz daha uğurlu çıxış edəcək?
 "Qarabağ"
 "Qəbələ"
 "İnter"
 "Zirə"

Copyright © 2017 Sportarena.az
Saytı hazırladı: Five studio