"Roma" 34 illik həsrətə son qoydu

Sportarena.az      11 Aprel 2018, 10:13

İtaliyanın “Roma” klubu UEFA Çempionlar Liqasının 1/4 final mərhələsi çərçivəsində İspaniya “Barselona”sını mübarizədən kənarlaşdırmaqla bu turnirin tarixinə düşüb.

 

Sportarena.az xəbər verir ki, “canavarlar” qitənin ən nüfuzlu klub turnirində ilk oyunda 3 və daha çox top fərqilə uduzduqdan sonra cavab matçında geridönüş etməyi bacaran üçüncü kollektiv olub. Səfərdə 1:4 hesabıyla uduzan paytaxt klubu doğma meydanda 3 cavabsız qolla qalib gəlməklə, yarımfinala yüksəlib.

 

“Roma”dan öncə bunu ilk dəfə İspaniyanın “Deportivo” klubu bacarmışdı. Sözügedən komanda 2003/04 mövsümündə “Milan”a ilk oyunda 1:4 hesabıyla uduzsa da, cavab matçında 4 cavabsız qol vurmaqla mərhələ adlamışdı.

 

Digər oxşar uğura isə elə “Roma”nın bu dəfə mübarizədən kənarlaşdırdığı “Barselona” imza atmışdı. Kataloniya təmsilçisi ötən mövsüm ÇL-in 1/8 finalında Fransa çempionu PSJ-yə səfərdə 0:4 hesabıyla məğlub olsa da, doğma meydanda 6:1 hesabıyla qalib gəlib, növbəti tura keçmişdi.

 

Qeyd edək ki, “Roma” bu uğur sayəsində 1983/84 mövsümündən sonra ilk dəfə ÇL-in yarımfinalına vəsiqə qazanıb.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin