Bu gün U-16 Liqasında «Zirə» - «Vətən» matçı ilə 29-cu tura start verildi. Turun mərkəzi oyununda turnir cədvəlinin 2 və 3-cü pillələrində qərarlaşan «Zirə» ilə «Vətən» üz-üzə gəldilər. Aviasiya Akademiyasının stadionunda keçirilən oyunda «Vətən» 3:0 hesabı ilə qalib gələrək 2-ci yerin şəriksiz sahibi oldu. Fərrux İsmayılovun komandasından qolların ikisini Tural Nəsirov, birini isə çempionatın bombardiri Emil Quluzadə vurdu.
Sabah U-16 Liqasında daha 3 oyun keçiriləcək. «Qəbələ» evdə «Qarabağ»ı məğlub edəcəyi halda çempionatın başa çatmasına 4 tur qalmış çempion adını qazanacaq. Eynilə U-17 Liqasında olduğu kimi. Xatırladaq ki, bazar ertəsi U-17 Liqasında «Zirə»ni 3:0 hesabı ilə məğlub edən «Qəbələ» birinciliyin başa çatmasına 4 tur qalmış çempionluğunu rəsmiləşdirmişdi.
29-cu tura cümə günü Sumqayıtda keçiriləcək «Sumqayıt» - «Keşlə» matçı ilə yekun vurulacaq.
26 aprel (cümə axşamı)
13:00 «Səbail» - «Neftçi»
(«Bayıl Arena»)
14:00 «Qəbələ» - «Qarabağ»
(Qəbələ şəhər stadionu)
14:00 «Turan» - «Kəpəz»
(Tovuz şəhər stadionu)
27 aperl (cümə)
14:00 «Sumqayıt» - «Keşlə»
(Sumqayıt şəhəri, «Kapitalbank Arena»)
Cəza səbəbindən turu buraxacaq futbolçuların siyahısı: Nemət Musayev, Mircəfər Əlizadə (hər ikisi «Kəpəz»), Veysəl Rzayev, Rüfət Əhmədov (hər ikisi «Qəbələ»), Şahmar Abbaszadə, Murad Həsənli (hər ikisi «Sumqayıt), Şirin Şirinov («Keşlə»).
Bombardir: Emil Quluzadə («Vətən») – 22 qol.
«Het-trik news» qəzetinin layihəsi