Ramil Quliyevdən daha bir uğur

Sportarena.az      8 İyun 2018, 15:21

Türkiyə adından çıxış edən azərbaycanlı atlet Ramil Quliyev 14 mərhələdən ibarət olan “Almaz Liqa”da (Diamond League) qalib olub.

 

Sportarena.az xəbər verir ki, Norveçin paytaxtı Osloda keçirilən budəfəki mərhələnin 200 metr qaçış kateqoriyasında Ramil 19.90 nəticə ilə çempion olub. Bu göstərici cari mövsüm Quliyevin ən yaxşı göstəricisidi. Kanadalı Aaron Braun 19.98 nəticə ilə 2-ci, trinidad və tobaqolu Cerim Riçards 20.19 ilə 3-cü yeri tutub.

 

Quliyev qalib olması ilə bağlı bunları deyib:

 

“Ümid edirdim ki, bundan daha sürətli qaçaram. Ancaq bir az ləngidim. Avropa çempionatında 200 metrə qaçacam və məqsədim Pyetro Menneanın Avropa rekordunu (italiyalı atlet 1979-cu ildə 19.72 nəticə ilə finişə çatıb) qırmaq olacaq”.

 

Ötən il Londonda dünya çempionu olmaqla Türkiyə atletikasının tarixinə düşmüş Ramil bu liqanın Roma mərhələsində 3-cü yeri tutmuşdu. O, ötən il Birmingem mərhələsində 200 metr qaçışda 20.17 nəticə ilə liqanın çempionu olmuşdu.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin