“Araz”ın ÇL-dəki daha 2 potensial rəqibi məlum oldu

Sportarena.az      25 İyun 2018, 14:54

 

Futzal üzrə UEFA Çempionlar Liqasında ölkəmizi təmsil edəcək “Araz”ın daha iki potensial rəqibi müəyyənləşib. 

 

Sportarena.az Azərbaycan Futzal Federasiyasının “facebook” səhifəsinə istinadən xəbər verir ki, “Tatişvili” (Gürcüstan) və “Futsamba Naas” (İrlandiya) da turnirdə gücünü sınayacaq. Beləliklə, iştirakçı komandaların sayı 56-ya çatıb. Ümumilikdə 59 komandanın qalib adı uğrunda yarışacağı liqada 3 ölkəni - Türkiyə, Farer adaları və Lixtenşteyni hansı komandanın təmsil edəcəyi hələ dəqiqləşməyib.

 

Məlumat üçün qeyd edək ki, komandamız mübarizəyə yenə əsas mərhələdən başlayacaq. Buna qədər cari ildə avqustun 28-dən sentyabrın 2-dək ilkin mərhələnin oyunları keçiriləcək. Əsas mərhələ oktyabrın 2-dən 7-dək, elit raund noyabrın 13-dən 18-dək təşkil ediləcək. “Dördlər finalı” aprelin 25-i 27-i və ya 26-sı 28-i tarixlərində keçiriləcək. Aprelin 25-də və ya 26-da yarımfinal, ayın 27-də və ya 28-də isə üçüncü yer uğrunda oyuna və həlledici matça şahidlik etmək mümkün olacaq. İlkin, əsas və elit raund oyunları erkən də başlaya bilər, bunun üçün qrupda yer alan komandaların hamısı razılıq verməlidi.

 

Püşkatmaya gəlincə, iyulun 5-də ilkin və əsas, oktyabrın 14-də elit mərhələnin iştirakçıları rəqiblərini tanıyacaq. “Dördlər finalı”ndakı cütlüklər isə 2019-cu ildə bilinəcək. Hələlik dəqiq vaxt təsdiqlənməyib.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin