"Real"ın futbolçusu Mateo Kovaçiçin "Çelsi"yə keçidi rəsmiləşib.
Sportarena.az xəbər verir ki, 24 yaşlı yarımmüdafiəçi 2018/2019 mövsümünün sonuna kimi icarə əsasında İngiltərə təmsilçisində çıxış edəcək. Razılaşmaya əsasən, "Çelsi" Kovaçiç üçün icarə haqqı ödəməyəcək. Çünki klubun qapıçısı Tibo Kurtuanın "Real"a keçidi zamanı Kovaçiçin pulsuz "Çelsi"yə icarəyə göndərilməsi barədə bənd yer alıb.
Qeyd edək ki, Kovaçiç 2015-ci ildə "İnter"dən "Real"a transfer olunub.