FIFA milli komandaların oktyabr ayı üçün reytinq sıralamasını açıqlayıb.
Sportarena.az xəbər verir ki, UEFA Millətlər Liqasında səfərdə Farer adalarına qalib gəlib (3:0), evdə Malta ilə heç-heçə (1:1) edən milli komandamız aktivinə 5 xal yazdırıb. Bu isə yığmanın 1 pillə irəliləməsinə imkan yaradıb. Azərbaycan reytinq cədvəlində 1207 xalla 107-ci sırada qərarlaşıb. Millimiz Nigeri geridə qoyub. Bizdən öndə qərarlaşan Liviya və Keniyanın 1210 xalı var.
Reytinq sıralamasına Belçika başçılıq edir. Fransa 2-ci, Braziliya 3-cüdü.