“Qarabağ”ın ən ağır ev məğlubiyyəti

Sportarena.az      30 Noyabr 2018, 11:19

"Qarabağ” Avropa Liqasının qrup mərhələsinin 5-ci turunda evdə Portuqaliyanın "Sportinq” klubuna 1:6 hesabı ilə məğlub oldu.


Sportarena.az xəbər verir ki, bu, Ağdam təmsilçisinin avrokuboklarda ən ağır ev məğlubiyyəti kimi tarixə düşüb. Daha öncə "atlılar" ev oyunlarında dörddən çox top fərqiylə məğlub olmamışdı. "Qarabağ" 1998/99 mövsümündə UEFA Kuboklar Kubokunda Danimarka "Kopenhagen"inə 0:4 hesabı ilə uduzmuşdu. 2017/18 mövsümündə Çempionlar Liqasının qrup mərhələsində "Qarabağ" İngiltərənin "Çelsi" klubuna da 0:4 hesabı ilə uduzaraq, ən böyük hesablı ev yenilgisini yaşamışdı.


Qeyd edək ki, "Qarabağ" avrokuboklarda 4-cü dəfə bir matçda qapısından 6 qol buraxıb. Təmsilçimiz 1998/99 mövsümündə UEFA Kuboklar Kubokunda Danimarka "Kopenhagen" klubuna səfərdə 0:6 hesabı ilə məğlub olmuşdu. 1 il sonra ağdamlılar UEFA İntertoto Kubokunda Fransanın "Monpelye" klubuna səfər matçında 0:6 hesabı ilə yenilmişdi. "Atlılar" ötən mövsüm ÇL-in qrup mərhələsində Londonda "Çelsi"yə də 6 cavabsız qolla uduzmuşdu

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin