"Şəxsən mənim üçün gözlənilməz oldu" - Rəşad Sadıqov

Sportarena.az      9 Dekabr 2018, 20:13

Topaz Premyer Liqasının 14-cü turunda "Qarabağ" səfərdə "Zirə"yə 6-0 hesabı ilə qalib gəlib.

 

Sportarena.az xəbər verir ki, oyundan sonra Ağdam klubunun kapitanı Rəşad Sadıqov jurnalistlərin suallarını cavablandırıb.

 

 

- Çempionatda son iki oyunumuzu “Keşlə” və “Zirə”yə qarşı keçirdik. Hər ikisi çətin komanda idi. Son dönəmləri yaxşı keçirirdilər. Ciddi hazırlaşmışdıq. Hər iki oyunda qol şanslarından yararlana bildik. Hesabların böyük olması rəqiblərin zəif olması ilə əlaqəli deyildi. Sadəcə, əlimizə düşən fürsətləri qola çevirdik.

 

- İkinci hissədə beş müdafiəçi ilə oynadınız. Bu, sizdə alınırdı?

- Biz bu sistemdən çox istifadə etmirik. Oyundan qabaq belə bir şeyə hazırlaşmışdıq. Qurban müəllim də bunu ikinci hissədə tətbiq etdi. Bir az alınırdı.

 

- Millinin oyunları bitib, Avropa Liqasında da bir oyun qalıb. “Qarabağ”ın son iki oyundakı böyükhesablı qələbələri bunula əlaqəlidir?

- “Qəbələ” ilə səfərdə yaxşı nəticə qazanmışdıq. Millinin oyunlarından sonra “Sabah”la qarşılaşdıq. Bizdə də yığma üzvləri çoxdur. Oyuna çox ciddi hazırlaşa bilmədik və vacib 2 xal itirdik. Ancaq komandamız toparlana bildi. Bu iki oyunda vacib qələbələr qazandıq. Çalışırdıq ki, “Neftçi” ilə xal fərqimiz 7-8 olmasın.

 

- Qurban Qurbanovun millidən gedişi sizin üçün gözlənilməz olmadı?

- Şəxsən mənim üçün gözlənilməz oldu. Son gündə belə bir hiss var idi. Ancaq ondan əvvəl bunu düşünmürdüm.

 

- Qurban Qurbanov millidən getdiyi üçün siz də postunuzdan ayrıldınız?

- Mən Qurban Qurban Qurbanovun gedişini bilmirdim. Mənimlə yolların ayrılacağını iki gün öncə demişdilər. Ancaq Qurban Qurbanovun gedişini iclasdan sonra bildik. Mən amma iki gün əvvəl gedişimi bilirdim.

 

- Gedişinizin səbəbini soruşdunuz?

- Bu barədə hazırda çox danışmaq istəmirəm. Çox iş gördüyümüzü düşünürəm. Əziyyət çəkdik, Azərbaycan futbolunun halal xoşu olsun. Təki, gördüyümüz işlərdən növbəti seçmə mərhələdə yararlansınlar. Özünüz də görürdünüz ki, hər oyunda 5-6 cavan futbolçuya şans verirdik. Komanda formalaşmışdı. Əslində, bir ay qabaq mənimlə növbəti tsikl üçün görüş keçirilmişdi. Orada gələcək planlardan danışdıq. Qarşıma 2-3-cü yerləri tutmaq hədəfi qoyuldu. Özüm də bildirdim ki, mən də qarşıma böyük hədəflər qoymuşam və çalışacam ki, istəyimizə çataq. Anacaq indi qərar budur, mən də buna hörmətlə yanaşıram.

 

- Son tsikldəki uğursuzluğa görə göndərildiniz?

- Bu tsikl üçün nəticə söhbəti olmadı. Son 3 oyundakı oyunumuzu gördünüz. Norveçlə matçda yaxşı çıxış etsək də, üç kobud səhvə görə uduzduq. İsraili isə məğlub da edə bilərdik, penalti qaçırmışdıq. Bildirildi ki, artıq belə rəqiblərə qarşı komandanı hazırlamısansa, gələn tsikldə 2-3-cü yerləri tutmaq olar. Onsuz da öz qarşıma məqsəd 2-ci yeri tutmağı qoymuşdum.

 

- Bəs nə baş verdi?

- Qərar budur, nə edə bilərik? Hörmətlə yanaşırıq.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin