“Səhvi varsa, cəzalanmalıdır” - Baş məşqçi Təmkin haqda

Sportarena.az      19 Aprel 2018, 22:14

Azərbaycan Premyer Liqasında 25-ci turun “Sabah” - “Neftçi” (0:2) oyunundan sonra keçirilən mətbuat konfransında meydan sahiblərinin baş məşqçisi Elşad Əhmədov jurnalistlərin suallarını cavablandırıb.

 

Sportarena.az xəbər verir ki, 48 yaşlı mütəxəssis əvvəlcə görüş barədə fikirlərini bildirib: “Oyun haqda çox danışmaq olar. İlk hissə yaxşı oynadıq. Bu mövsüm “Neftçi”dən xal ala bilməmişik. Qırmızı vərəqə epizoduna yenidən baxacam”.

 

- Təmkin Xəlilzadənın qovulmasına səbəb nədir?

- Daxili intizamı pozub. Klubdaxili məsələ olduğuna görə açıqlamaq düz olmaz. Səhvi varsa, cəzalandırılmalıdır. Bu yaxınlarda daha dolğun açıqlama veriləcək.

 

- İlk qolda Saşa Stamenkoviçin səhvi var idimi?

- Qol epizodunda səhvi var idi, çıxara bilərdi. Saşa bizim üçün lazımlı futbolçudur. Biz 3-cü yerə qalxanda bu futbolçuların rolu yüksək idi.

 

- İki hissə arasındakı bu qədər fərqin olması qırmızı vərəqəylə bağlı idi?

- Bəli. “Neftçi” kimi komandaya qarşı azlıqda oynamaq çətindir.

 

- Mövsümü belə bitirsəniz, rəhbərlik razı qalacaqmı?

- Çempionata başlayanda əsas məqsədimiz liqada qalmaq idi. Yuxarı yerlərdə olmaq istəyirik. Bacardığımız qədər irəliləmək istəyirik. Çempionat qurtaranda rəhbərlik son fikrini deyəcək.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin