"Qarabağ"la 52-ci oyun: ardıcıl 4-cü yarımfinal

Sportarena.az      21 Aprel 2018, 20:27

Aprelin 23-də Azərbaycan Kubokunda yarımfinal mərhələsi start götürəcək. Finala vəsiqə uğrunda dueldə "Qarabağ”la üz-üzə gələcək "Qəbələ” ilk oyununu evdə keçirəcək.

 

Sportarena.az "Qəbələ"nin rəsmi saytına istinadən xəbər verir ki, tarixində 7-ci dəfə yarımfinalda mübarizə aparan "qırmızı-qaralar” üç mövsümdə - bu mərhələni uğurla adlayıb. Ardıcıl 4-cü dəfə yarımfinal oynayacaq "Qəbələ" son iki mövsümdə finala yüksəlməyə nail olub.

 

Ağdam təmsilçisi ilə iki gün sonra keçiriləcək matç rəqiblər arasında 52-ci duel olacaq. 11 dəfə qalib gələn "Qəbələ” 17 heç-heçə edib və 23 dəfə uduzub. Rəqib qapısına 45 qol vuran "qırmızı-qaralar" 66 top buraxıb. 

 

Əvvəlki 51 oyundan 44-ü Premyer Liqa çərçivəsində keçirilibsə, 7-si Azərbaycan Kubokuna təsadüf edib. 4 dəfə yolları kəsişən rəqiblər 1/4 finalda üç, finalda bir dəfə mübarizə aparıblar. Bu 7 matçdan beşində heç-heçə qeydə alınıb. Hərəyə bir qələbə qazanan komandaların kubok mübarizəsində "Qəbələ” 5, "Qarabağ” 6 qol vurub. Qəbələdəki üç matçın hamısında heç-heçə qeydə alınıb.

 

Xatırladaq ki, aprelin 23-də keçiriləcək "Qəbələ” – "Qarabağ” oyunu saat 16.00-da başlayacaq.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin