Zaur Axundov iclas keçirdi, klublarla müzakirələr apardı

Sportarena.az      4 May 2018, 12:51

Azərbaycan Futzal Federasiyasının iclası keçirilib.

 

Sportarena.az xəbər verir ki, dünən prezident Zaur Axundovun rəhbərliyi ilə keçirilmiş iclasda federasiya əməkdaşları ilə bərabər, play-off mərhələsinə yüksəlmiş "Araz”, "Neftçi”, "Xəzər Cənub” və EKOL komandalarının, eləcə də AFFA-nın Hakimlər Komitəsinin nümayəndəsi iştirak edib.

 

İclasda başa çatmaqda olan Yüksək Liqanın əsas mərhələsi haqda müzakirələr aparılıb, eyni zamanda play-off oyunlarına hazırlıq barədə çıxışlar dinlənilib. Federasiya prezidenti yarımfinal oyunlarına vəsiqə qazanmış komandaları təbrik edib və uğurlar arzulayıb, qarşıdakı oyunlarla bağlı klubları maraqlandıran suallara aydınlıq gətirib, onlardan komanda üzvləri ilə meydanda oyun qaydalarına maksimum riayət olunması barədə söhbətlərin aparılmasını xahiş edib, eyni zamanda oyunlar zamanı respect və fair-play-ə əməl edilməsinin vacibliyi bildirilib.

 

Yüksək Liqada play-off oyunları mayın 8-də, 11-də və 14-də keçiriləcək. İki qələbə qazanan komanda finalda, məğlublar isə üçüncü yer uğrunda oyunda iştirak edəcək. Üçüncü yer və final qarşılaşmaları mayın 17-də Bakı İdman Sarayında keçiriləcək.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin