Rusiya Premyer Liqasında 2018-2019 mövsümünün qalibi müəyyənləşib.
Sportarena.az xəbər verir ki, 27-ci turda evdə "Axmat" klubu ilə bərabərə (1:1) qalan "Zenit" vaxtından əvvəl çempionluğunu rəsmiləşdirib. Bu heç-heçədən sonra xallarının sayını 58-ə çatdıran Sankt-Peterburq təmsilçisi sona 3 tur qalmış ən yaxın izləyicisi "Lokomotiv"i 9 xal qabaqlayır. Mövsümün sonunda Moskva təmsilçisi "Zenit"ə çatsa belə, şəxsi oyunlardakı nəticələrə görə lideri qabaqlamaq mümkün olmayacaq.
Qeyd edək ki, bu, "Zenit"in ümumilikdə 6-cı Rusiya çempionluğudur. Sergey Semakın başçılıq etdiyi komanda sonuncu dəfə 4 il öncə - 2014-2015 mövsümündə Premyer Liqanın qalibi olmuşdu.