PSJ-dən ayrılıb “Yuventus”a qayıdan Canluici Buffon Turin klubundakı yeni karyerası haqqında danışıb.
Sportarena.az xəbər verir ki, 41 yaşlı çərçivə qoruyucusu Kriştiano Ronaldo ilə eyni komandada oynamağı xüsusi hədiyyə adlandırıb:
“PSJ-də Neymar və Mbappe kimi güclü futbolçularla bir yerdə çıxış etdim. İndi isə Ronaldo ilə komanda yoldaşı olacam. Kriştiano ilə eyni heyətdə olmaq xüsusi hədiyyədir”.
Qeyd edək ki, Buffon 2001-2018-ci illərdə "Yuventus"da oynayıb. Daha sonra PSJ-yə keçən 41 yaşlı qolkiper dünən yenidən Turin təmsilçisinə qayıdıb.