Cüdoçumuz EYOF-da qızıl medal qazandı

Sportarena.az      26 İyul 2018, 18:02

Bakıda keçirilən Yeniyetmələrin Avropa Olimpiya Festivalında (EYOF) cüdo yarışları davam edir. 

 

Sportarena.az xəbər verir ki, fərdi yarışların son günündə Azərbaycan cüdoçuları daha 2 medal qazanıblar. Belə ki, +90 çəki dərəcəsində mübarizə aparan Hüseyn Məmmədov bütün rəqiblərinə qalib gələrək Olimpiya Festivalının qızıl medalına sahib olub. Cüdoçumuz Almaniya, Yunanıstan, Moldova və Rusiya idmançılarını məğlub edərək fəxri kürsünün ən yüksək pilləsinə qalxıb. 

 

81 kq çəki dərəcəsində yarışan Məhərrəm İmamverdiyev isə bürünc medala layiq görülüb. Beləliklə, yeniyetmələrdən ibarət milli komandamız EYOF-da fərdi yarışlarda aktivinə 6 medal yazdırıb. 

 

Qeyd edək ki, yarışların ilk iki günündə Turan Bayramov qızıl, Vüqar Talıbov gümüş, Şükran Zamanlı və Gülşən Bəşirova bürünc medala layiq görülüb. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin