Azarkeş hakimləri təhqir etdiyi üçün “Qəbələ” 4 min manat cərimələndi

Sportarena.az      21 Avqust 2018, 12:54

Bu gün AFFA İntizam Komitəsinin iclası baş tutub.

 

Sportarena.az xəbər verir ki, iclasda Premyer Liqanın 1-ci turu ilə bağlı aşağıdakı qərarlar qəbul olundu:

 

Azərbaycan Premyer Liqasının I turunun “Keşlə” – “Qarabağ” matçının 74-cü dəqiqəsində “Keşlə” klubunun 14 №-li futbolçusu Emin Mehtiyev ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 200 manat cərimə olunur (maddə 47).
 

“Qarabağ” klubunun bəzi rəsmilərinin “A” buraxılışından istifadə etməməsinə görə klub 800 manat cərimə olunur (maddə 49.6).
 

Azərbaycan Premyer Liqasının I turunun “Qəbələ” – “Sumqayıt” matçında “Sumqayıt” klubunun 5 futbolçusu sarı vərəqə ilə cəzalandığı üçün klub 800 manat cərimə olunur (maddə 39).
 

Oyunun 84-cü dəqiqəsində “Qəbələ” klubunun 11 №-li futbolçusu Asif Məmmədov ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 200 manat cərimə olunur (maddə 47).
 

Oyun başa çatdıqdan sonra “Qəbələ” klubunun azarkeşinin tunelə daxil olaraq hakimlər briqadasını təhqir etdiyi üçün meydan sahibi klub 4000 manat cərimə olunur (maddə 41.6).
 

Oyun  “Sumqayıt” klubunun günahı ucbatından 9 dəqiqə gec başlandığı üçün klub 800 manat cərimə olunur (maddə 69.5).
 

Azərbaycan Premyer Liqasının I turunun “Neftçi” – “Sabah” matçında  “Sabah” klubunun 4 futbolçusu sarı vərəqə ilə cəzalandığı üçün klub 800 manat cərimə olunur (maddə 39).

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin