"Qarabağ" "Linfild"lə oyun ərəfəsində ciddi problemlərlə üzləşib

Sportarena.az      21 Avqust 2018, 18:37

Avropa Liqasının pley-off mərhələsinin ilk oyunu çərçivəsində Şimali İrlandiyada "Linfild”in qonağı olacaq "Qarabağ” heyətlə bağlı problemlə üzləşib.

 

Sportarena.az xəbər verir ki, bu barədə "Report”a klubun mətbuat katibi Nurlan İbrahimov məlumat verib. Onun sözlərinə görə, Ağdam təmsilçisinin Çempionlar Liqasının III təsnifat mərhələsində Kipr APOEL-i ev oyununda müvafiq olaraq sarı və qırmızı vərəqə alan mərkəz müdafiəçisi Rahil Məmmədovla pleymeyker Riçard Almeyda cəzalı duruma düşüblər.

 

Digər mərkəz müdafiəçisi Bədavi Hüseynovla yarımmüdafiəçi Filip Ozobiçin də zədə üzündən meydana çıxmayacaqları dəqiqdir. Üstəlik, cinah müdafiəçiləri – Maksim Medvedevlə Ailton Silva Premyer Liqanın I turunda "Keşlə” ilə matçda zədələniblər. Dayaq yarımmüdafiəçisi Simeon Slavçev isə məşqdə xəsarət alıb. Bu üç futbolçunun meydana çıxması sual altındadır.

 

Qeyd edək ki, avqustun 22-də baş tutacaq görüş Bakı vaxtı ilə saat 22:45-də start götürəcək.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin