"Premyer Liqanın sponsoru kim olacaq? - PFL-dən açıqlama

Sportarena.az      23 Avqust 2018, 17:02

Bildiyiniz kimi, PFL-in sponsor axtarışları davam edir. 

 

Məsələnin nə yerdə olduğunu bilmək üçün qurumun Mətbuat və İctimaiyyətlə Əlaqələr Deparatamentinin rəhbəri Aslan Şahgəldiyev ilə əlaqə saxladıq. Xüsusilə də son günlər sosial şəbəkədə xarici mərc oyunları şirkəti olan "Xbet"in PFL-ə sponsor olacağı ilə bağlı yayılan iddialara da aydınlıq gətirdik. 

 

Qurum rəsmisi Sport7.az-a açıqlamasında bildirib ki, "Biz tərəfdən heç kim rəsmi olaraq "Xbet"lə müqavilə bağlanacağını bildirməyib. Sadəcə xarici bukmeker kontorundan PFL-ə təklif gəlmişdi. Ancaq bu gün rəsmi bir şey yoxdu deyə, hər hansısa rəsmi açıqlama verilmir". 

 

Ümumiyyətlə, qurum hansısa bir şirkətlə anlaşmaya varıbmı? sualına Aslan bəy, "Bəzi maraqlanan şirkətlər var. Müəyyən məbləğ təklif edən bir yerli şirkət vardı, ancaq məbləğ bizi qane etmədi. Hələ ki, sentyabrın 6-sına kimi vaxtımız var. Tenderin bitməsini gözləyirik. Ondan sonra baxacağıq. Loru dildə desək, dəyər-dəyməzə sponsorluq vermək istəmirik. Çünki 1 illik - uzun müddətli müqavilədi. Bu isə özünü tanıtmaq istəyən şirkət üçün ideal təklifdi", deyə bildirib. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin