"Sabah" Gürcüstanda çempion oldu

Sportarena.az      3 Sentyabr 2018, 08:00

"Sabah”ın U-14 komandası Gürcüstanın Martvili şəhərində keçirilən “Future Cup”da iştirak edib.

 

Elnur Zeynalovun komandası ilk oyunda Batumi “Dinamo”su ilə qarşılaşıb.

 

Görüş azərbaycanlı futbolçuların 8:0 hesablı qələbəsi ilə nəticələnib. Qollara Niyazi Osmanov, Xəlil Mürsəlli, Teymur Mirzəyev (2), Vüqar Axundzadə (2), Ömər Yusublu və Məhəmməd Məmmədov imza atıblar.

 

Növbəti görüşdə təmsilçimiz Tiflis “Dinamo”su ilə qarşılaşıb. Elnur Zeynalovun yetirmələri bu matçdan da qələbəylə ayrılıb (3:2). Qollara Niyazi Osmanov, Məhəmməd Məmmədov və Ömər Yusublu imza atıblar.

 

Növbəti görüşdə “Martve Kutaisi” komandasını 2:0 (qollara Niyazi Osmanov və Mirhafiz Talışzadə imza atıblar) məğlub edən U-14 yarımfinala yüksəlib.

 

Yarımfinalda “Baia Zuqdidi”ni minimal hesabla üstələyən “Sabah” həlledici görüşə vəsiqə qazanıb. Komandanı finala daşıyan qolu Niyazi Osmanov vurub.

 

Finalda rəqib Tiflis “Dinamo”su olub. 3:0 hesabıyla qalib gələn “Sabah” turniri qalib başa vurub. Həlledici görüşdə qollara Məhəmməd Məmmədov, Anar Cəbiyev və Niyazi Osmanov imza atıblar.

 

“Sabah”ın üzvləri turnirin təşkilatçıları tərəfindən bir neçə sahədə ən yaxşı adına layiq görülüblər.F.Mehtizadə turnirin ən yaxşı qapıçısı, N.Hüseynbalayev ən yaxşı müdafiəçisi, N.Osmanov isə ən yaxşı oyunçusu seçiliblər.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin