"Qarabağ"ın kapitanı: "Avroliqa ilə Azərbaycan çempionatı arasında yerlə göy qədər fərq var"

Sportarena.az      20 Sentyabr 2018, 13:15

Avropa Liqasının qrup mərhələsinin ilk turunda evdə “Sevilya”ya 0:3 hesabı ilə uduzan “Qarabağ”ın müdafiəçisi Maksim Medvedev oyundan sonra jurnalistlərə müsahibə verib.


 
Sportarena.az xəbər verir ki, 29 yaşlı müdafiəçi öncə oyunu şərh edib:
 
"Oyun gözlədiyimiz kimi keçdi. Bilirdik ki, rəqib səviyyəli komandadır. Onlara qarşı rahat oynamaq mümkün deyil. Rahat top saxlayırlar, əks-hücumlar və pressinq edirlər. Bu tərəfdən güclüdürlər. İlk hissədə qapımızı qorumağı bacardıq. Fasilədən sonra yorulmağa başladıq. Konsentrasiyamız düşdü. Buna görə də səhvlər etdik. Zonalarımızı itirdik. Bu da yorğunluqla əlaqəlidir. İlk qoldan sonra həm də əsəbləşməyə başladıq. İkinci qolda səhvimizdən oldu. Bundan sonra çətin olardı “Sevilya”ya qarşı toparlanıb nəsə etmək"
 
- Səviyyə fərqini hiss etdiniz?
- Əlbəttə, hiss elədik. İlk hissədə bunu gördük. Bir toxunuşla ötürmələr edirlər, əks-hücuma sürətli çıxırlar. Hər şey görünürdü. Bəzi epizodları çatdırmırdıq. Düzdür, bəzi anlarda səhvə yol verirdilər. Siz də, azarkeşlər də gördü ki, “Sevilya” bizdən daha yaxşı futbol oynayır. 
 
- Xal götürəcəyinizə ümidiniz var idi? Bəzi futbolçular hiss olunurdu ki, yaxşı mübarizə aparmırdı. Miçel Avropada son oyunlarda səhvlərə yol verir.
- Kimin necə oynadığını deyə bilmərəm, komanda yoldaşlarımdır. Onlar səhv edirsə, deməli, mən də etmişəm. Hamımızı birgə səhv edirik. Miçel “Atletiko”ya qol vuranda əlimizin üzərində aparırdıq. Bir az yaxşı oynamayanda Miçelin günahının olduğunu deyə bilmərik. Qıraqdan mən də istəyərdim ki, mübarizə aparaq, qol vuraq, bir az kobud oynayaq və hiss etsinlər aqressivliyimizi. Bir az aqressivlik də çatmadı. Biz də topla oynayan komandayıq. Aqressiv futbol oynaya bilmirik.
 
- “Düdelanj”ın APOEL-ə 4:3 hesabı ilə qalib gəlməsi sizin üçün gözlənilməz oldu?
- Gözlənilməz oldu, əlbəttə. Əgər “Düdelanj” qrupa düşübsə, zəif rəqib ola bilməz. 3-4 il əvvəl “Düdelanj”la üzləşmişik. Amma bu gün nə olar, nə də biz həmin komanda deyilik. Əgər APOEL-i məğlub ediblərsə, məncə, qrupda ikinci yer uğrunda çox maraqlı mübarizə keçəcək.
 
- “Düdelanj”ın qələbəsi “Qarabağ”ın işinə yaradı? Çünki ikinci yer uğrunda APOEL-lə “Qarabağ”ın mübarizə aparacağı gözlənilir.
- Düşünmürəm ki, bizə hələ yarayar. Çünki bilmirik ki, biz “Düdelanj” və APOEL-lə necə oynayacağıq. Rəqibləri analiz etməmişik. Bu gün ağır oyun keçirdik. Azərbaycan çempionatı ilə bu turnir arasında yerlə göy arasındakı fərq var.
 
- Belə oyunlardan sonra çempionat matçına köklənmək olur?
- Nə edək, biz Azərbaycan, onlar da İspaniya çempionatında oynayır. Meydana çıxıb, oynamalıyıq. Məcbur oynamalıyıq. Hərənin öz çempionatı var.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin