AFFA klubları cərimələdi

Sportarena.az      13 Noyabr 2018, 15:29

Bu gün AFFA İntizam Komitəsinin (İK) növbəti iclası keçirilib.

 

Sportarena.az xəbər verir ki, toplantıda Azərbaycan Premyer Liqasının XI turunda keçirilən oyunlarda qeydə alınan neqativ hallara hüquqi qiymət verilib.

 

"Keşlə” – "Neftçi” görüşündə qonaqların 4 futbolçusu sarı vərəqə aldığı üçün klub 800 manat cərimə olunub.

 

"Qəbələ” – "Səbail” qarşılaşmasının 80-ci dəqiqəsində "Səbail”in futbolçusu Əli Sadıxov sonuncu ümid fouluna görə birbaşa qırmızı vərəqə alaraq meydançadan kənarlaşdırıldığı üçün 1 oyunluq cəzalanıb, klub 200 manat cərimə olunub.

 

"Sabah” – "Sumqayıt” matçında 4 futbolçusu sarı vərəqə alan "Sabah” 800 manat ziyana düşüb. Oyunun 59-cu dəqiqəsində "Sumqayıt”ın azarkeşləri tərəfindən pirotexniki vasitələrdən istifadə edildiyinə görə klub 800 manat cərimələnib.

 

"Qarabağ” – "Zirə” görüşündə "Zirə”nin 5 futbolçusu sarı vərəqə aldığı üçün bakılılar 800 manat cərimələnib. Təcili tibbi yardım əməkdaşı oyunöncəsi iclasda iştirak etmədiyindən, meydan sahibi 400 manat cərimə olunub.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin