Ramil Şeydayevdən millidəki qalmaqala reaksiya

Sportarena.az      21 Noyabr 2018, 12:48

Avropa çempionatının seçmə mərhləsinə Slovakiyada yekun vuran millimizin düşərgəsində şok hadisə baş verib.

 

Sportarena.az sportinfo.az-a istinadən xəbər verir ki, ev sahibləri ilə görüşün fasiləsində komandamızın paltardəyişmə otağı "savaş meydanı"na dönüb.

 

Ramil Şeydayev ilk hissədə qeyri-fəallığı ilə yadda qalan Eddi İsrafilova sərt etirazını bildirib. Eddiyə passiv və istəksiz oynamasını irad tutan Ramil "sənin kimilər bu formanı geyinməməlidir" deyib.

 

İsrafilov komanda yoldaşına "sən mənə heç nə deyə bilməzsən" cavabı verincə, ara qarışıb. Şeydayevin müdafiəsinə qalxan Qara Qarayev Eddiyə tərəf gedib. Bu zaman digər futbolçular araya girərək, onların əlbəyaxa olmasının qarşısını güclə alıb. Nikola Yurçeviç həmin vaxt içəridə olsa da, mübahisəyə qarışmayıb, sakitcə bir kənara çəkilərək yaşananları izləyib.

 

İsrafilov bundan hiddətlənərək, formasını əynindən çıxarıb və "mən meydana çıxmıram" söyləyib. Onun duş qəbul etməyə getdiyini görən baş məşqçi Elvin Camalova ikinci hissədə meydana çıxmağı tapşırıb.

 

Məsələ ilə bağlı "Qafqazinfo” saytı Ramil Şeydayevlə əlaqə saxlayıb. Moskva "Dinamo”sunda çıxış edən forvardın fikri isə belə olub: "Bu suala cavab vermək olmaz”.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin